Google ADS

Dy të vdekur e mbi 20 të plagosur nga të shtënat me armë në një koncert në Florida

15:15 | 30 Maj 2021
Përparim Bublaku

Dy njerëz vdiqën dhe rreth 20-25 njerëz u plagosën pas të shtënave me armë në një lokal në Floridën e Jugut, ka konfirmuar Policia.

Të shtënat me armë shpërthyen të dielën në mëngjes në sallën e mbrëmjeve ‘’El Mula’’ në veriperëndim të Qarkut Miami-Dade.

Salla e mbrëmjes ishte dhënë me qira për një koncert të zhanrit hip-hop. Tre njerëz dolën nga një veturë dhe hapën zjarr mbi turmën jashtë, ka thënë drejtori i policisë Alfredo Ramirez III.

“Këta janë vrasës gjakftohtë që qëlluan pa dallim në një turmë dhe ne do të kërkojmë drejtësi”, shkroi Ramirez në Twitter, raporton Koha.

Dy persona vdiqën në vendin e ngjarjes. Deri në 25 persona shkuan në spitale të ndryshme për t’u mjekuar.

Asnjë person nuk është arrestuar deri tani.

Shpërndaje në rrjete sociale

Lajmet më të lexuara

Të ngjashme

Foto lajm